មានអាយុទើបតែ ១៩ឆ្នាំ ចូហា ស្ហាណាអេហ្វ (Djokhar Tsarnaev) ជាប់សង្ស័យ ថាអ្នកបង្កភេរវកម្ម នៅក្រុង Boston ជាមួយបងប្រុស ដែលបានស្លាប់កាលពីម្សិលមិញ ក្នុងប្រតិបត្តិការតាមចាប់ខ្លួន។ ប្រតិបត្តិការជាង២៤ម៉ោង ដែលមានប្រើកម្លាំងប៉ូលិស ប្រមាណ៩ពាន់នាក់ បិទខ្ទប់ក្រុងបូស្តុនទាំងមូល និងបានប្រែក្លាយសង្កាត់ Watertown ទៅជាសមរភូមិប្រយុទ្ធ។ សេចក្តីប្រកាសចាប់បានខ្លួនជនសង្ស័យ បានធ្វើឱ្យបណ្តាជនរស់នៅបូស្តុន និងអាមេរិទាំងមូល ធូរស្បើយក្នុងចិត្ត បន្ទាប់ពីតានតឹងអស់ជិតមួយសប្តាហ៍មក។
ម៉ោង៦ល្ងាចទៅហើយ ឧទ្ធម្ភាគចក្រ នៅតែឆ្វែលលើក្រុងបូស្តុន ជាលើកចុងក្រោយ ការស្វែងរកចាប់ខ្លួនសង្ស័យនៅតែគ្មានលទ្ធផល ! អាជ្ញាធរបានសម្រេចលើកបម្រាមគោចរ ដែលបានដាក់តាំងពី២៤ម៉ោងមុនចេញវិញ ព្រោះគេមិនអាចឃាត់ឃាំងក្រុងមួយ ឬរដ្ឋមួយទាំងស្រុងដូច្នេះបានឡើយ។ ប៉ុន្តែ១០នាទីក្រោយ រថយន្តប៉ូលិសបកក្រោយវិញ ប៉ូលិសបានរកឃើញកន្លែងលាក់ខ្លួនរបស់ ចូហា ស្ហាណាអេហ្វ សំឡេងកាំភ្លើងបានលាន់ឮឡើង។ មានការប្រឈមមុខដាក់គ្នាដល់ទៅមួយម៉ោង ក្រោយមកទើបFBI ចេញធ្វើប្រតិបត្តិការចាប់ខ្លួន។
រហូតដល់ម៉ោង ៨ និង៤២នាទីល្ងាចថ្ងៃសុក្រម្សិលមិញ ម៉ោងនៅបូស្តុន ទើបប៉ូលិសអាមេរិកបានបញ្ជូនព័ត៌មានតាមTwitterថា ចាប់បានខ្លួនជនសង្ស័យទីពីរ ទាំងរស់ ដែលមានរងរបួសធ្ងន់នៅជើងនិងនៅក។ របួសដែលទំនងជាដោយសារប៉ូលិសបាញ់ត្រូវ ក្នុងប្រតិបត្តិការបាញ់រះ នៅវិទ្យាស្ថានបច្ចេកទេស យប់ថ្ងៃព្រហស្បតិ៍ (យុទ្ធនាការដែលនាំដល់ការចាប់ខ្លួនជនសង្ស័យទីមួយ)។
ទៅលាក់ខ្លួនក្នុងទូកមួយ ពាក់មុខដើម្បីងាយបន្លំខ្លួន តែអ្នកជិតខាងបានឃើញមនុស្សរបួស ក៏ទៅរាយការណ៍ប្រាប់ប៉ូលិស។ ប៉ុន្តែប៉ូលិសមិនធ្វើប្រតិបត្តិការភ្លាមទេ ព្រោះខ្លាចមានគ្រឿងផ្ទុះ និងម្យ៉ាងប៉ូលិសត្រូវការចាប់ទាំងរស់ ដើម្បីសាកសួររកមូលហេតុនៃការធ្វើភេរវកម្មទាំងពីរលើក ៖ ទីមួយកាលពីថ្ងៃចន្ទទី១៥ ពេលរត់ប្រឆាំងម៉ារ៉ាតុង និងនៅទីពីរនៅវិទ្យាស្ថានបច្ចេកទេស Massachusetts យប់ថ្ងៃព្រហស្បតិ៍ទី១៨មេសា។
លោកប្រធានាធិបតី បារ៉ាក់ អូបាម៉ា ៖
"នៅយប់នេះប្រទេសយើងត្រូវដឹងគុណអ្នកបូស្តុន និងអ្នកនៅរដ្ឋ Massachusetts ដែលបានបង្ហាញពីភាពដាច់ខាតរបស់ខ្លួន ក្រោយការវាយប្រហារភេរវកម្ម។ ដោយសារតែការខិតខំប្រឹងប្រែង និងភាពមោះមុតរបស់កងកម្លាំងប៉ូលិសទាំងមូលយើងបានបិទបញ្ចប់នូវដំណាក់កាលដ៏សំខាន់មួយ នៃសោកនាដកម្ម នៅបូស្តុន។ ក៏ប៉ុន្តែក្នុងពេលជាមួយគ្នានេះ នៅមានសំណួរជាច្រើន ដែលនៅតែចោទសួរឡើងដោយមិនទាន់មានចម្លើយ... តើហេតុអ្វីបានជាយុវជន ដែលធំដឹងក្តី និងរៀនសូត្រនៅសហរដ្ឋអាមេរិក ជាសមាជិកសហគមន៍ និងប្រទេសជាតិរបស់យើងបែរជាឈានទៅដល់ការប្រើអំពើហិង្សាបែបនេះ? តើពួកគេរៀបចំនិងអនុវត្តគម្រោងការវាយប្រហារភេរវកម្មនេះបានដោយរបៀបណា? ហើយតើពួកគេទទួលជំនួយពីខាងណាដែរឬទេ?"
នៅមានសំណួរជាច្រើនដែលត្រូវរកចម្លើយឱ្យឃើញ ! ប៉ុន្តែតាំងពីព្រលប់ថ្ងៃសុក្រមក បណ្តាជននៅបូស្តុន បានធូរស្បើយក្នុងចិត្ត និងអាចមានសិទ្ធិចេញដើរហើរវិញ បន្ទាប់ពីត្រូវសំងំក្នុងផ្ទះអស់២៤ម៉ោងមក៕ ប្រភពពី (RFI)
រហូតដល់ម៉ោង ៨ និង៤២នាទីល្ងាចថ្ងៃសុក្រម្សិលមិញ ម៉ោងនៅបូស្តុន ទើបប៉ូលិសអាមេរិកបានបញ្ជូនព័ត៌មានតាមTwitterថា ចាប់បានខ្លួនជនសង្ស័យទីពីរ ទាំងរស់ ដែលមានរងរបួសធ្ងន់នៅជើងនិងនៅក។ របួសដែលទំនងជាដោយសារប៉ូលិសបាញ់ត្រូវ ក្នុងប្រតិបត្តិការបាញ់រះ នៅវិទ្យាស្ថានបច្ចេកទេស យប់ថ្ងៃព្រហស្បតិ៍ (យុទ្ធនាការដែលនាំដល់ការចាប់ខ្លួនជនសង្ស័យទីមួយ)។
ទៅលាក់ខ្លួនក្នុងទូកមួយ ពាក់មុខដើម្បីងាយបន្លំខ្លួន តែអ្នកជិតខាងបានឃើញមនុស្សរបួស ក៏ទៅរាយការណ៍ប្រាប់ប៉ូលិស។ ប៉ុន្តែប៉ូលិសមិនធ្វើប្រតិបត្តិការភ្លាមទេ ព្រោះខ្លាចមានគ្រឿងផ្ទុះ និងម្យ៉ាងប៉ូលិសត្រូវការចាប់ទាំងរស់ ដើម្បីសាកសួររកមូលហេតុនៃការធ្វើភេរវកម្មទាំងពីរលើក ៖ ទីមួយកាលពីថ្ងៃចន្ទទី១៥ ពេលរត់ប្រឆាំងម៉ារ៉ាតុង និងនៅទីពីរនៅវិទ្យាស្ថានបច្ចេកទេស Massachusetts យប់ថ្ងៃព្រហស្បតិ៍ទី១៨មេសា។
លោកប្រធានាធិបតី បារ៉ាក់ អូបាម៉ា ៖
"នៅយប់នេះប្រទេសយើងត្រូវដឹងគុណអ្នកបូស្តុន និងអ្នកនៅរដ្ឋ Massachusetts ដែលបានបង្ហាញពីភាពដាច់ខាតរបស់ខ្លួន ក្រោយការវាយប្រហារភេរវកម្ម។ ដោយសារតែការខិតខំប្រឹងប្រែង និងភាពមោះមុតរបស់កងកម្លាំងប៉ូលិសទាំងមូលយើងបានបិទបញ្ចប់នូវដំណាក់កាលដ៏សំខាន់មួយ នៃសោកនាដកម្ម នៅបូស្តុន។ ក៏ប៉ុន្តែក្នុងពេលជាមួយគ្នានេះ នៅមានសំណួរជាច្រើន ដែលនៅតែចោទសួរឡើងដោយមិនទាន់មានចម្លើយ... តើហេតុអ្វីបានជាយុវជន ដែលធំដឹងក្តី និងរៀនសូត្រនៅសហរដ្ឋអាមេរិក ជាសមាជិកសហគមន៍ និងប្រទេសជាតិរបស់យើងបែរជាឈានទៅដល់ការប្រើអំពើហិង្សាបែបនេះ? តើពួកគេរៀបចំនិងអនុវត្តគម្រោងការវាយប្រហារភេរវកម្មនេះបានដោយរបៀបណា? ហើយតើពួកគេទទួលជំនួយពីខាងណាដែរឬទេ?"
នៅមានសំណួរជាច្រើនដែលត្រូវរកចម្លើយឱ្យឃើញ ! ប៉ុន្តែតាំងពីព្រលប់ថ្ងៃសុក្រមក បណ្តាជននៅបូស្តុន បានធូរស្បើយក្នុងចិត្ត និងអាចមានសិទ្ធិចេញដើរហើរវិញ បន្ទាប់ពីត្រូវសំងំក្នុងផ្ទះអស់២៤ម៉ោងមក៕ ប្រភពពី (RFI)
