បន្ទាយមានជ័យ ៖ រោងជញ្ជីងថ្លឹងរថយន្តអចល័តកូនដំរីស្ថិតនៅក្នុងសង្កាត់និមិត្ត ក្រុងប៉ោយប៉ែតខេត្តបន្ទាយមានជ័យត្រូវរថយន្តយីឌុបចូលថ្លឹងទម្ងន់ ជាន់ហ្វ្រាំងមិនស៊ីបើកបុកបង្គោលភ្លើងនិងរោងខូចមួយចំហៀងកាលពី ព្រឹកម៉ោង៧និង៤៥នាទីថ្ងៃទី១ ខែឧសភា ឆ្នាំ២០១៣។តាម ការអោយដឹងពីមន្ត្រីនគរបាលកន្លែងថ្លឹងជញ្ជីងខាងលើបានអោយដឹងថា ខណៈពេលដែលសមត្ថកិច្ចបញ្ជាអោយរថយន្តដឹកទំនិញខាងលើដែលសង្ស័យដឹក លើសទម្ងន់ចូលកន្លែងថ្លឹងស្រាប់តែរថយន្តនេះទៅបុករាស់រនាំង ការពារទឹកមិនអោយចូលជញ្ជីងរបង បង្គោលខ្សែភ្លើង ដំបូលរោងខ្ទេច តែមិនបង្កអោយខូចខាតធ្ងន់ធ្ងរនោះទេ ហើយក៏មិនរំខានដល់ការថ្លឹងរថយន្តឡើយគឺនៅតែបន្តថ្លឹងដដែល។
នេះ ជាលើកទីពីហើយដែលមានរថយន្តបើកបុកកន្លែងថ្លឹងរថយន្តតែមិន ធ្ងន់ធ្ងរដូចមុននេះទេដែលខកខានមិនបានថ្លឹងរថយន្តជាច្រើនថ្ងៃនោះ។
រថយន្តបង្កហេតុធុនធំយីឌុបដឹកស៊ីម៉ងត៍ពាក់ស្លាក់លេខ3A-0136 ក្រោយពេល បុកតៃកុងរត់បាត់។ ចំពោះរថយន្តនេះតាមការថ្លឹងគឺមិនលើសទម្ងន់នោះទេ ហើយ បច្ចុប្បន្នរថយន្តកំពុងរក្សាទុកនៅស្ថានីយថ្លឹងរថយន្តកូនដំរី ៕កម្ពុជាថ្មី
