ថ្ងៃព្រហស្បតិ៍នេះ ជាថ្ងៃកាន់ទុក្ខសំរាប់ប្រទេសបង់ក្លាដែសទាំងមូល ចំពោះជនរងគ្រោះដែលបានស្លាប់ក្នុងឧបទ្ទវហេតុរលំអគារ កាលពីថ្ងៃពុធម្សិលមិញនេះ។ រហូតមកដល់ពេលនេះ ចំនួនអ្នកស្លាប់បានកើនដល់២០០ នាក់ ហើយ។ គ្រោះថ្នាក់រលំអគារនេះបានបង្កអោយមានការជជែកចម្រូងចម្រាសគ្នា ស្តីពីលក្ខខណ្ឌសុវត្ថិភាពនិងការងារនៅក្នុងវិស័យកាត់ដេរ នៅបង់ក្លាដែស។
ប្រជាជនមកឧនក្បាល គោរពវិញ្ញាណក្ខន្ធអ្នកដែលបាត់បង់ជីវិត ក្នុងគ្រោះថ្នាក់រលំអគារ
REUTERS/Andrew Biraj
នៅប្រទេសបង់ក្លាដែស នៅថ្ងៃព្រហស្បត្តិ៍នេះ ក្រុមសង្គ្រោះនៅបន្តជួយយកជនរងគ្រោះអោយចេញពីគំនរថ្មបាក់ ដោយសារការបាក់រលំអគារ កាលពីថ្ងៃពុធម្សិលមិញ នៅឡើយ។ នៅមន្ទីរពេទ្យឯណោះវិញ មនុស្សជាង១០០០ នាក់ ដែលរងគ្រោះដោយឧបទ្ទវហេតុរលំអគារនេះ កំពុងតែទទួលការព្យាបាលពីក្រុមគ្រូពេទ្យ។
ចំនួនអ្នកស្លាប់នៅតែបន្តកើនឡើង។ អជ្ញាធរបង់ក្លាដែសនៅមិនទាន់ដឹងនៅឡើយទេថា តើនៅមានមនុស្សប៉ុន្មាននាក់ទៀតដែលនៅជាប់ខ្លួនក្នុងគំនរ ថ្មបាក់។ ក្រុមអគ្គិភ័យបានឈប់ប្រើឧបករណ៍ធ្ងន់ៗ ក្នុងការលើកកកាយថ្ម ដោយសារតែខ្លាចប៉ះពាល់ដល់អាយុជីវិតជនរងគ្រោះដែលជាប់ខ្លួននៅ ទីនោះ។
គ្រោះថ្នាក់រលំអគារនេះបានបង្កអោយមានការជជែកពិភាក្សាដ៏ ចម្រូងចម្រាស ស្តីអំពីល័ក្ខខ័ណ្ឌសុវត្ថិភាពការងារក្នុងវិស័យកាត់ដេរ នៅបង់ក្លាដែស។ បង់ក្លាដែសគឺជាប្រទេសទីពីរនាំសម្លៀកបំពាក់ចេញច្រើនជាងគេ លើពិភពលោក បន្ទាប់ពីប្រទេសចិន។ សំលៀកបំពាក់ផលិតនៅប្រទេសនេះ មានតំលៃថោកៗ។
កាលពីថ្ងៃអង្គារ មុនគ្រោះថ្នាក់មួយថ្ងៃ កម្មករជាច្រើននាក់សំដែងការព្រួយបារម្ភដោយសារតែឃើញស្នាមប្រេះ នៃអគារពាណិជ្ជកម្មនេះ។ ដោយសារតែស្នាមប្រេះ ក្រុមប៉ូលិសទទួលបន្ទុកផ្នែករោងចក្រក៏បានប្រាប់ថៅកែរោងចក្រនានា ដែលមានវត្តមានក្នុងអគារនេះ អោយបិទទ្វាឈប់ដំណើរការផងដែរ។ ប៉ុន្តែ អ្នកទទួលខុសត្រូវនៅទីនោះធ្វើជាមិនដឹងមិនលឺ ហើយបង្ខំអោយកម្មករមកធ្វើការនៅថ្ងៃពុធ ដូចធម្មតាដដែល។
គ្រោះថ្នាក់ក្នុងវិស័យកាត់ដេរនេះ មិនមែនជាគ្រោះថ្នាក់ដែលទើបតែកើតលើកទីមួយនៅបង់ក្លាដែសនោះទេ។ កាលពីខែវិច្ឆិកា កន្លងទៅ នៅជាយក្រុងដាកា អគ្គិភ័យមួយបានឆាបឆេះនៅរោងចក្រកាត់ដេរមួយកន្លែង ដែលផលិតសម្លៀកបំពាក់អោយម៉ាក Walmart របស់អាមេរិក។ អគ្គិភ័យនេះបានសម្លាប់មនុស្ស១១១នាក់។ អ្វីដែលគួរអោយចាប់អារម្មណ៍នោះ គឺថា នៅពេលដែលអគ្គិភ័យកើតឡើង អ្នកទទួលខុសត្រូវរោងចក្របានហាមកម្មករមិនអោយចេញពីរោងចក្រ ដោយប្រាប់ថាអគ្គិភ័យនេះ គ្រាន់តែជាការសាកល្បងរបស់រោងចក្រតែប៉ុណ្ណោះ។
យោងតាមសមាគមការពារកម្មកររោងចក្រកាត់ដេរមួយ មានទីតាំងនៅប្រទេស ហូឡង់ គ្រោះថ្នាក់ទាំងនេះបង្ហាញច្បាស់ពីបរាជ័យនៃម៉ាកសម្លៀកបំពាក់ បរទេសនានា ដែលធ្វើការផលិតនៅបង់ក្លាដែស ព្រោះថាអ្នកទទួលខុសត្រូវពួកគេមិនបានគិតពីសុវត្ថិភាពរបស់កម្មករ ជាមុននោះទេ បើទោះជាដឹងថាសុវត្ថិភាពនេះជាល័ក្ខខ័ណ្ឌចំបងក៏ដោយ។ យោងតាមសមាគមនេះ កម្មករដែលធ្វើការនៅក្នុងអគារដែលរលំបាក់ កាលពីថ្ងៃពុធម្សិលមិញនេះ មានចំនួនជាង ២៦០០ នាក់៕ប្រភពពី (RFI)
ចំនួនអ្នកស្លាប់នៅតែបន្តកើនឡើង។ អជ្ញាធរបង់ក្លាដែសនៅមិនទាន់ដឹងនៅឡើយទេថា តើនៅមានមនុស្សប៉ុន្មាននាក់ទៀតដែលនៅជាប់ខ្លួនក្នុងគំនរ ថ្មបាក់។ ក្រុមអគ្គិភ័យបានឈប់ប្រើឧបករណ៍ធ្ងន់ៗ ក្នុងការលើកកកាយថ្ម ដោយសារតែខ្លាចប៉ះពាល់ដល់អាយុជីវិតជនរងគ្រោះដែលជាប់ខ្លួននៅ ទីនោះ។
គ្រោះថ្នាក់រលំអគារនេះបានបង្កអោយមានការជជែកពិភាក្សាដ៏ ចម្រូងចម្រាស ស្តីអំពីល័ក្ខខ័ណ្ឌសុវត្ថិភាពការងារក្នុងវិស័យកាត់ដេរ នៅបង់ក្លាដែស។ បង់ក្លាដែសគឺជាប្រទេសទីពីរនាំសម្លៀកបំពាក់ចេញច្រើនជាងគេ លើពិភពលោក បន្ទាប់ពីប្រទេសចិន។ សំលៀកបំពាក់ផលិតនៅប្រទេសនេះ មានតំលៃថោកៗ។
កាលពីថ្ងៃអង្គារ មុនគ្រោះថ្នាក់មួយថ្ងៃ កម្មករជាច្រើននាក់សំដែងការព្រួយបារម្ភដោយសារតែឃើញស្នាមប្រេះ នៃអគារពាណិជ្ជកម្មនេះ។ ដោយសារតែស្នាមប្រេះ ក្រុមប៉ូលិសទទួលបន្ទុកផ្នែករោងចក្រក៏បានប្រាប់ថៅកែរោងចក្រនានា ដែលមានវត្តមានក្នុងអគារនេះ អោយបិទទ្វាឈប់ដំណើរការផងដែរ។ ប៉ុន្តែ អ្នកទទួលខុសត្រូវនៅទីនោះធ្វើជាមិនដឹងមិនលឺ ហើយបង្ខំអោយកម្មករមកធ្វើការនៅថ្ងៃពុធ ដូចធម្មតាដដែល។
គ្រោះថ្នាក់ក្នុងវិស័យកាត់ដេរនេះ មិនមែនជាគ្រោះថ្នាក់ដែលទើបតែកើតលើកទីមួយនៅបង់ក្លាដែសនោះទេ។ កាលពីខែវិច្ឆិកា កន្លងទៅ នៅជាយក្រុងដាកា អគ្គិភ័យមួយបានឆាបឆេះនៅរោងចក្រកាត់ដេរមួយកន្លែង ដែលផលិតសម្លៀកបំពាក់អោយម៉ាក Walmart របស់អាមេរិក។ អគ្គិភ័យនេះបានសម្លាប់មនុស្ស១១១នាក់។ អ្វីដែលគួរអោយចាប់អារម្មណ៍នោះ គឺថា នៅពេលដែលអគ្គិភ័យកើតឡើង អ្នកទទួលខុសត្រូវរោងចក្របានហាមកម្មករមិនអោយចេញពីរោងចក្រ ដោយប្រាប់ថាអគ្គិភ័យនេះ គ្រាន់តែជាការសាកល្បងរបស់រោងចក្រតែប៉ុណ្ណោះ។
យោងតាមសមាគមការពារកម្មកររោងចក្រកាត់ដេរមួយ មានទីតាំងនៅប្រទេស ហូឡង់ គ្រោះថ្នាក់ទាំងនេះបង្ហាញច្បាស់ពីបរាជ័យនៃម៉ាកសម្លៀកបំពាក់ បរទេសនានា ដែលធ្វើការផលិតនៅបង់ក្លាដែស ព្រោះថាអ្នកទទួលខុសត្រូវពួកគេមិនបានគិតពីសុវត្ថិភាពរបស់កម្មករ ជាមុននោះទេ បើទោះជាដឹងថាសុវត្ថិភាពនេះជាល័ក្ខខ័ណ្ឌចំបងក៏ដោយ។ យោងតាមសមាគមនេះ កម្មករដែលធ្វើការនៅក្នុងអគារដែលរលំបាក់ កាលពីថ្ងៃពុធម្សិលមិញនេះ មានចំនួនជាង ២៦០០ នាក់៕ប្រភពពី (RFI)
