ទេសចរដែលមកទស្សនាប្រាសាទអង្គរវត្តនាពេលកន្លងមក។ ហេង ជីវ័ន
ទេសចរជនជាតិចិនកើនឡើងពី៧៧ភាគរយរហូតដល់៨៧ ១០៤នាក់ ខណៈទេសចរជនជាតិវៀតណាមធ្លាក់ចុះពី៣៩ភាគរយមកនៅ៤៥ ៧៦០នាក់។នេះបើតាមស៊ីនហួ។
លោក អាង គឹមអៀង ប្រធានសមាគមភ្នាក់ងារទេសចរណ៍កម្ពុជាបានប្រាប់ភ្នំពេញ ប៉ុស្តិ៍ថា ការកើនឡើងទេសចរចិននឹងជួយឲ្យទំនាក់ទំនងរវាងកម្ពុជា និងចិនកាន់តែខ្លាំងឡើងព្រមទាំងជួយបង្កើនជើងហោះហើរផងដែរ។ លោកបន្តថា៖ «ទំនាក់ទំនងរវាងរដ្ឋាភិបាលទាំងពីរនេះកាន់តែជិតស្និទ្ធជាងមុន ដែលលើកទឹកចិត្តដល់ប្រជាជនប្រទេសទាំងពីរក្នុងការធ្វើពាណិជ្ជកម្ម និងការផ្លាស់ប្តូរទេសចរណ៍។ ឥឡូវនេះមានជើងហោះហើរត្រង់ពីចិនមកកម្ពុជា»។
លោក ហូ វណ្ឌី សហប្រធានក្រុមការងារវិស័យទេសចរណ៍រដ្ឋាភិបាល វិស័យឯកជនបាននិយាយថាលោកមិនមានការបារម្ភពីការធ្លាក់ចុះទេសចរ វៀតណាមទេ ហើយរំពឹងថា តួលេខនេះនឹងកើនឡើងនៅចុងឆ្នាំនេះ។
ជាមួយនឹងកំណើននៃជើងហោះហើរនិងការលើកកម្ពស់ទំនាក់ទំនងនេះ លោក ហូ វណ្ឌីបានឲ្យដឹងថា ភាពងាយស្រួលក្នុងការសុំទិដ្ឋាការ និងការផ្សព្វផ្សាយកាន់តែខ្លាំងឡើងក្នុងប្រទេសចិនបានរួមចំណែក ក្នុងការកើនឡើងនៃចំនួនអ្នកទេសចរចិន។ លោកបន្តថា៖ «ក្នុងក្រុមការងារផ្នែកទេសចរណ៍ យើងនិយាយអំពីពាក្យសុំទិដ្ឋាការ ថាតើត្រូវជួយទេសចរពីចិនយ៉ាងម៉េចក្នុងការចូលមកកម្ពុជាឲ្យកាន់ តែងាយស្រួល»។
យោងតាមទិន្នន័យបានពីក្រសួងទេសចរណ៍ចំនួនអ្នកទេសចរអន្តរជាតិ ក្នុងប្រទេសកម្ពុជាបានកើនឡើង២៤,៤ភាគរយកាលពីឆ្នាំទៅដោយកើនពី ២,៨៨លាននាក់កាលពីឆ្នាំ២០១១ដល់៣,៥៨លាននាក់កាលពីឆ្នាំ២០១២។
ក្នុងចំណោមអ្នកទេសចរសរុបទាំងនោះមានទេសចរជាង៧៦៣ ០០០នាក់ស្នើនឹង២១,៣ភាគរយជាជនជាតិវៀតណាម៕ PB ប្រភពពីភ្នំពេញប៉ុស្តិ៍
