សារ៉ាយ សក្ខណា ឆាប់ដៃរ៉ូលីនចូលសម្ដែងរឿង កុមារី២៥ឆ្នាំ វគ្គ២

កាល​ពី​ឆ្នាំមុន ខ្សែភាពយន្ត​រឿង កុមារី២៥ឆ្នាំ ដែលជារឿង​កំប្លែងសើច​ចុកពោះ របស់​អ្នកស្រី ពាន់ ភួងបុប្ផា បាន​ទទួល​ជោគ​ជ័យ​ជា​ខ្លាំង​នៅ​តាម​បណ្ដា​រោង​ភាពយន្ត​នានា និង​នៅ​លើ​កញ្ចក់​ទូរទស្សន៍​កម្ពុជា CTN ថែម​ទៀត។ ទើប​ឆ្នាំ​នេះ អ្នកស្រី​បាន​បន្ត​សាច់​រឿង​វគ្គ២បន្ថែមទៀត​។ សម្រាប់វគ្គ២នេះ កាន់​តែ​ប្លែក កាន់​តែ​អស្ចារ្យ​បន្ថែម​ទៀត ដោយ​អ្នកស្រី ពាន់ ភួងបុប្ផា​ បាន​បញ្ចូល​តួ​ថ្មី​២​រូប​បន្ថែម​ទៀត គឺ​កញ្ញា សារាយ សក្ខណា និង​ រ៉ូលីន ដើម្បី​គួប​ផ្សំ​នឹង​តួ​ចាស់​ទាំងអស់​ដែល​រក្សា​នៅ​ដដែល។

សាច់រឿង​វគ្គ​ថ្មីនេះ អ្នកស្រី ពាន់ ភួងបុប្ផា ​បានសម្រិត​សម្រាំង​យ៉ាង​ពិសេសដោយ​បង្កប់​នូវ​សំណើច​សើច​ចុក​ពោះ​ ជាង​វគ្គ​មុន ជា​មួយ​តួ​អង្គ​បែប​ក្រម៉ិចក្រមើមរបស់​តារា​ប្រុសស្រីមិនឱ្យចាញ់វគ្គ​ មុនឡើយ។ ហើយ​ខ្សែភាពយន្ត កុមារី២៥ឆ្នាំ វគ្គ២ នឹងត្រូវដាក់បញ្ជាំងជូនទស្សនា នាខែឧសភាខាងមុខនេះ នៅរោងភាពយន្ត លុច្ស Platinum Cinema និង Legend Cinema។ ទាំងតួអង្គ និងសាច់រឿងត្រូវបាន​សម្រិតសម្រាំង​យ៉ាងយកចិត្ត​ទុក​ដាក់​បំផុត ដើម្បីធ្វើឱ្យសាច់រឿង​ទាំងមូលមើលទៅកាន់តែមានការចាប់អារម្មណ៍កាន់​តែខ្លាំងពី ​សំណាក់​ទស្សនិកជន៕