ម្ចាស់បទ រាំជាន់អាចម៍គោ ត្រៀមទៅសម្ដែងនៅអាមេរិក
បទ រាំជាន់អាម៍គោ របស់អ្នកនាង សុខ ច័ន្ទធីតា ហៅ កាតុ កំពុងតែធ្វើឱ្យមានប្រជាប្រិយភាពយ៉ាងខ្លាំងសម្រាប់ឱកាស ចូលឆ្នាំខ្មែរនាពេលខាងមុខនេះ។ ស្របពេលនេះដែល អ្នកនាង កាតុ ក៏ត្រៀមធ្វើដំណើរឈានជើងទៅកាន់ទឹកដីឯនាយសមុទ្រ សហរដ្ឋអាមេរិក ជាលើកដំបូង ដើម្បីទៅសម្ដែងអបអរពិធីបុណ្យចូលឆ្នាំខ្មែរ ប្រពៃណីជាតិនាពេលខាងមុខនេះ។
នាថ្ងៃទី២ ខែមេសា ឆ្នាំ២០១៣នេះ អ្នកនាងនឹងចេញទៅសម្ដែងនៅអាមេរិករយៈពេល៣ខែ។ បើតាមគម្រោងអ្នកនាងនឹងត្រឡប់មកកម្ពុជាវិញ នៅក្នុងអំឡុងខែកក្កដានេះ។ ក្នុងដំណើរនេះ អ្នកនាងទៅសម្ដែងជាមួយតារារាងតូចច្រឡឹង កែវ នីសា៕
