មិនទាន់បាត់ធុំក្លិនយន្តហោះផង ស្រីស្អាតតូចច្រឡឹងរូបនេះ បានបង្ហាញមុខក្នុង ការថតកម្មវិធីរបស់ ស៊ីធីអិន គឺកម្មវិធី លោកតាប៊ុយ ដែលជាកម្មវិធី Mr & Mrs Talk show ក៏មានវត្តមាន ពិធីការនីចាស់វស្សា គង់ សុជាតិ នឹងតារាសម្ដែង ស្រស់សោភា សរាយ សក្ខណា ផងដែរ តែមើលទៅនាងហាក់ នៅតែលេចធ្លោរផ្នែក រូបសម្រស់ និងប្រជាប្រិយភាពដដែល មិនស្រកស្រុតនោះទេ ទោះជានាងនឿយហត់ បន្តិចក៏ដោយ ។
ប្រភពពីស្ថានីយ៍ទូរទស្សន៍ ស៊ីធីអិនបានអោយដឹងថា សុគន្ធ នីសា តាំងពីចូលថោន មកនាងហាក់ងាយស្រួលក្នុង ការអញ្ជើញចូលរួមកម្មវិធី នានាណាស់ដែលផ្ទុយពី ៥ឆ្នាំមុនដែល សូម្បីតែម្ដងក៏នាង មិនដែលស្គាល់ជាតិ ស៊ីធីអិនសោះ ។
បន្ទាប់ពីចូលរួមថត ជាមួយកម្មវិធីថត ទុកនោះរួចមកនាងក៏បានចូលរួម ក្នុងកម្មវិធីខួបកំណើត អ្នកគាំទ្ររូបនាង នៅភោនីយដ្ឋាន Master sukisoup ដែលនាងបានបកស្រាយ បទចម្រៀងក្ដាមស្រែ ដែលជាបទចម្រៀង មួយល្បីល្បាញរបស់នាងមួយ នៅក្នុងផលិតកម្មចាស់ ។
នាង បានបង្ហាញនៅស្នាមញញឹម ជាប់មាត់ជាមួយ អ្នកគាំទ្ររបស់នាង ដែលតែងតែដើរតាម នាងគ្រប់ឆាកតន្រ្តីមិនថា ជិតឆ្ងាយ តែងតែផ្ដល់កំលាំងចិត្ត ដល់នាងគ្រប់ពេលវេលា ។
នាងតែងតែញញឹមគ្រប់ពេវេលា តែស្នាមញញឹមនោះបង្កប់ នៅការព្រួយចិត្តមិនតិចទេ ដែលការព្រួយចិត្ត នោះមិនមែនសោកស្ដាយ អតីតគូរស្នេហ៍៧ឆ្នាំនោះទេ តែនាងហាក់ព្រួយចិត្ត នឹងអាជីវកម្មនឹងអាជីព ចម្រៀងដ៏សែន មមាញឹករបស់នាង ដែលនាងត្រូវធ្វើ ម្ចាស់ការលើខ្លួនឯង ខុសពីមុនដែលមានម្ចាស់ ស្នេហ៍ជាអ្នកចាត់ចែង គ្រប់បែបយ៉ាងដែល នាងពេលនោះ ហាក់ដូចជាព្រះនាងតូច ។ ដោយៈLooking TODAY
