ជាការពិតណាស់ Galaxy Mega 6.3 និង 5.8 គឺសុទ្ធតែជាទូរស័ព្ទដែលស្ថិតនៅក្នុងស្រឡាយតែមួយនិងត្រូវបាន ប្រកាសចេញនៅក្នុងថ្ងៃតែមួយ ប៉ុន្តែទូរស័ព្ទទាំងពីរគឺមានទំហំអេក្រង់ និងលក្ខណសម្បត្តិផ្សេងៗទៀត មិនដូចគ្នានោះទេ ជាក់ស្ដែងគឺ Mega 6.3 មានអេក្រង់ 6.3-inch រីឯ Mega 5.8 គឺមានអេក្រង់ទំហំត្រឹមតែ 5.8-inch ប៉ុណ្ណោះ ។ ក្រៅពីនេះបើយោងទៅតាមប្រភពព័ត៌មានមួយចំនួនបានឲ្យដឹងថា ជាមួយនិងអេក្រង់ប្រភេទ LCD display ដូចគ្នាទូរស័ព្ទទាំងពីរគឺជាផលិតផលដែលមានតម្លៃមធ្យមរបស់ ក្រុមហ៊ុន Samsung ប៉ុណ្ណោះគឺមិនមែនជាផលិតផលមានទាំងតម្លៃ និងគុណភាពខ្ពស់ដូចជាស្រឡាយ Galaxy Note នោះទេ ។
ដូច្នេះដើម្បីជ្រាបពីលក្ខណសម្បត្តិដូចគ្នា និងខុសគ្នារវាងទូរស័ព្ទ Galaxy Mega 6.3 និង 5.8 សូមប្រិយមិត្តចូលរួមធ្វើការប្រៀបធៀបទាំងអស់គ្នា ។
លក្ខណសម្បត្តិដែល Galaxy Mega 6.3 ដូចគ្នា និង Galaxy Mega 5.8 ៖
- សំបកការពារធ្វើពីប្លាស្ទិក
- កាមេរ៉ាក្រោយទំហំ 8MP និង មុខ 1.9MP
- អេក្រង់ LCD display ដូចគ្នា
- អង្គផ្ទុកទិន្នន័យអាចនិយាយថា ប្រហាក់ប្រហែលគ្នាពីព្រោះ Galaxy Mega 6.3 មាន 8GB ផង និង 16GB ស្របពេលដែល Galaxy Mega 5.8 មានតែ 8GB តែអាចបន្ថែម microSD card បានដូចគ្នា
- មានអង្គផ្ទុកទិន្នន័យបណ្ដោះអាសន្ន RAM 1.5GB
- ដំណើរការដោយប្រព័ន្ធប្រតិបត្តិការ Android 4.2 Jelly Bean
លក្ខណសម្បត្តិដែល Galaxy Mega 6.3 ពិសេសជាង Galaxy Mega 5.8 ៖
- កម្រិតភាពច្បាស់ 12080 x720 (233 pixels ក្នុង 1-inch) ធៀបនិង 960×540 (190 pixels ក្នុង 1-inch)
- មានអេក្រង់ធំជាង 6.3-inch ធៀបនិង 5.8-inch
- មានកម្រាស់ស្ដើងជាង វិមាត្រ 167.6 x 88 x 8.0 mm ធៀបនិង វិមាត្រ 162.6 x 82.4 x 9 mm
- Galaxy Mega 6.3 មានបំពាក់ដោយ NFC តែ Mega 5.8 គ្មានទេ
- Wirelesss LTE, HSPA ធៀបនិង HSPA (គ្មាន LTE)
- CPU dual-core 1.7GHz ធៀបនិង dual-core 1.4GHz
- ថាមពលថ្ម 3,200mAh ធៀប 2,600mAh
ចុះអ្វីខ្លះដែល Gaxaly Mega 5.8 ពិសេសជាង Galaxy Mega 6.3 ៖
- អាចប្រើបាន SIM ពីរ
- មានទម្ងន់ស្រាលជាង 182g ធៀបនឹង 199g
- មានរាងល្មមងាយស្រួលកាន់និងដាក់ក្នុងហោប៉ៅ
សរុបសេចក្ដីមកយើងឃើញថា ថ្វីបើទូរស័ព្ទ Galaxy Mega 6.3 មានទំហំធំជាង Mega 5.8 មែនពិតតែទូរស័ព្ទនេះមានទាំងកម្រាស់និងកម្រិតភាពច្បាស់ស្ដើង ជាង និងច្បាស់ជាង Galaxy Mega 5.8 ទៅទៀត ។ ដូច្នេះ Galaxy Mega 6.3 ហាក់មានប្រៀបជាង Galaxy Mega 5.8 បន្តិច តែយ៉ាងណាមិញចំពោះតម្លៃនៃទូរស័ព្ទទាំងពីរគឺយើងនៅមិនទាន់បាន ដឹងនៅឡើយទេ ដូច្នេះតើ Galaxy Mega 5.8 អាចនឹងមានតម្លៃថ្លៃជាង Mega 6.8 ឬទេបើទូរស័ព្ទនេះអាចប្រើបាន SIM ចំនួនពីរ ? ៕
ប្រភព porpok
