បើគេចាំមិនខុសទេ តារាចម្រៀងប្រុសរូបនេះ ហាក់មានប្រវត្តិ កំសត់វេទនាជាងគេ ក្នុងពិភពសិល្បៈចម្រៀង ខណៈដែល លោកធ្លាប់ ដេកតាមសំយ៉ាប់ផ្ទះគេ និងដើរផ្សងព្រេង ដូចក្នុងរឿងនិទាន រហូតក្លាយជា តារាច្រៀងល្បីមួយរូប ក្នុងផលិតកម្ម ថោន គួរឲ្យកោតសរសើរ ពីការខិតខំតស៊ូទ្រាំ ទាំងលំបាករហូត មានថ្ងៃនេះ។
ចំណែករឿងរ៉ាវស្នហាវិញ មិនសូវជាមានការ ចាប់អារម្មណ៍ច្រើនទេ ព្រោះលោកមិនដែល បង្ហើបថា លោកមានម្ចាស់ បេះដូងឡើយ ព្រោះចង់ឲ្យអាជីព សិល្បៈរីកចំរើន ជាងនេះ និងទុកពេលវេលាសន្សំ លុយឲ្យបានច្រើនសិន ។
ផ្ទុយពីការបកស្រាយ របស់លោកកន្លងមក ទស្សនិកជនដែល រស់នៅតំបន់ជាយដែន ក្រុងប៉ោយប៉ែត ដែលជាទឹកដី មានសេដ្ឋកិច្ច លូតលាស់ខ្ពស់ និងសម្បូរទៅ ដោយអ្នកមាន ធនធានច្រើន បានខ្សឹបប្រាប់ LookingTODAY តារាចម្រៀងសំឡេង ស្អករបស់ផលិតកម្មថោន ខេម បានភ្ជាប់ពាក្យ ជាមួយនឹងកូនថៅកែ គីប នៅផ្សាថៃបាត់ ទៅហើយ ដែលថៅកែគីប នោះ មានប្រាក់ច្រើន ស្ទើរតែក្រាលដេកបាន។
កាលផ្ដើមស្នេហ៍ដំបូង ដោយសារលោកខេម បានទៅច្រៀងនៅទីនោះ ហើយក៏មានការណែនាំ ពីសំណាក់មិត្តភក្តិ ហើយក៏រាប់អានគ្នា រហូតក្លាយជាស្នេហា ។ ដំបូងឡើយ ថៅកែរូបនោះ មិនបានពេញចិត្ត នឹងតារាចម្រៀងរូបនេះទេ ដោយហេតុថា ខេម មិនសូវមានធនធានច្រើន តែដោយសារកូនស្រីស្រលាញ់គ្នា លោកក៏ព្រមភ្ជាប់ ឲ្យផ្សារសាច់ ផ្សារឈាម ជាមួយអ្នកសិល្បៈ នេះតែម្ដងទៅ ។
ការភ្ជាប់ពាក្យនេះ ធ្វើទៅបានប្រហែល ជាងមួយឆ្នាំហើយ តែមិនមានអ្នកសារ ព័ត៌មានណា បានដឹងឮនោះទេ ។
លោក ខេម មិនអាចទាក់ទង ដើម្បីបំភ្លឺរឿងនេះបានទេ តែ Looking TODAY រង់ចាំការបកស្រាយ ពីលោកជានិច្ច។ ខេម បច្ចុប្បន្ន ហាក់មានប្រជាប្រិយភាព ឡើងមួយកម្រិត បន្ទាប់ពីបានចាប់ដៃគូ ជាមួយតារាចម្រៀង ស្រីសំឡេងស្រទន់ មាស សុខសោភា មក ទស្សនិកជន កោតសរសើរច្រើនថា ទឹកដមសំនៀង ពីរោះសមគ្នា ៕ដោយ៖ Looking TODAY
