កុមារីរងគ្រោះ ទ.ច.រ និងនាងរ.ស.ន,ផ្ទះកុមារីរងគ្រោះទាំងពីរ,ជនល្មើសសោម បញ្ញា ហៅជា ពេលត្រូវចាប់ខ្លួន, ជីដូនកុមារីទ.ច.រ,ឪពុកម្តាយកុមារី ទ.ច.រ (រូបតូចខាងស្តាំ)
មាននារីមួយចំនួនតូច បានធ្លាក់ខ្លួន ក្លាយជាស្រីមេម៉ាយ ព្រោះចាញ់បោកប្រុស និងជឿតាមការអូសទាញ របស់មេអណ្តើក លុះនាងខូចខ្លួន ក៏តាំងខ្លួនជាមេអណ្តើកម្តង ព្រោះមុខរបរនេះ ងាយរកលុយ។ ជាក់ស្តែង ហេតុតែចាញ់កលមេអណ្តើក ដែលមានផ្ទះជិតគ្នា ទើបបណ្តាលឱ្យក្មេងស្រីជំទង់ ២នាក់ ទាក់ឱ្យប្រុសស្ទាវចាប់រំលោភកណ្តាលវាលស្រែ...។ កាលពីថ្ងៃទី០៨ មីនា ២០១៣ ជាទិវាសិទ្ធិនារី មានកុមារី២នាក់ រស់នៅខេត្តបន្ទាយមានជ័យ ត្រូវប្រុសស្ទាវចាប់រំលោភកណ្តាលវាលស្រែ ព្រោះតែពួកនាងជឿតាមការអូសទាញរបស់មេអណ្តើក។ ប៉ុន្តែ ទាំងអ្នករំលោភ ទាំងមេអណ្តើក ត្រូវជាប់អន្ទាក់ប៉ូលិស ឯក្មេងស្រីរងគ្រោះ បានត្រឹមសោកស្តាយព្រហ្មចារីតែប៉ុណ្ណោះ។ ទាក់ទិនដល់ករណីនេះ កុមារី ទ.ច.រ អាយុ១៥ឆ្នាំ រស់នៅភូមិស្ទឹងចាស់ ឃុំគយម៉ែង ស្រុកមង្គលបុរី ខេត្តបន្ទាយមានជ័យ បានរៀបរាប់ថា នាងជាកូនពៅ ក្នុងចំណោមបងប្អូន៣នាក់ ឪពុកឈ្មោះទន់ អ៊ាន អាយុ៤៩ឆ្នាំ ម្តាយឈ្មោះសុង រដ្ឋា អាយុ ៤៩ឆ្នាំ ធ្លាប់រៀនដល់ថ្នាក់ទី៨។ នាងឈប់រៀនកន្លះឆ្នាំមកហើយ ព្រោះគ្មានអ្នកចាំផ្ទះមើលថែទាំជីដូនមានជំងឺ ព្រោះឪពុកម្តាយ រវល់ការងារស្រែចម្ការ។ លុះមកដល់ថ្ងៃទី០៨ មីនា ២០១៣ ជាទិវាសិទ្ធិនារី ខណៈដែលឪពុកម្តាយនាងរវល់ចេញទៅហូប ការបងប្អូន ក៏មានស្ត្រីម្នាក់ឈ្មោះហឹម គឹមហាន អាយុ ២៣ឆ្នាំ ជាស្ត្រីមេម៉ាយកូន១ ផ្ទះនៅជិតគ្នា បានមកបបួលនាងទៅ ស៊ីផឹកនៅផ្ទះរបស់គេ ដែលនៅទីនោះ មានប្រុសៗប៉ុន្មាននាក់កំពុងព័ទ្ធវង់ផឹក និងមានស្រីក្មេងៗ ពីរបីនាក់ផង។ ពុំត្រឹមមក បបួលនាងទេ ស្ត្រីមេម៉ាយនោះ បានទាំងហៅប្អូនស្រីជីដូនមួយរបស់នាងម្នាក់ទៀត ឈ្មោះរ.ស.ន អាយុ១១ឆ្នាំ ឱ្យទៅជប់លៀង ជាមួយគ្នា ឯពួកនាងក៏ព្រមទៅ ព្រោះទុកចិត្តគ្នា។ នាង ទ.ច.រ បន្តទៀតថា កន្លងមក ស្ត្រីឈ្មោះ ហឹម គឹមហាន ធ្លាប់មានប្រវត្តិយកប្តីចិត្តឯង លុះបាន កូន១ ក៏លែងលះគ្នាទៅ។ នាងនេះ មានមុខរបរមិន ប្រាកដ ឧស្សាហ៍ហិចហើរមិនសូវនៅផ្ទះ និងរាប់អានមិត្តភក្តិសុទ្ធតែប្រុសៗស្ទាវ។ ពួកនាងបានទៅចូលរួមស៊ីផឹកនឹងគេ តាំងពីម៉ោង៩ព្រឹក ដល់ម៉ោង ៣ល្ងាច រហូតដល់ស្រឿងៗគ្រប់គ្នា រួចទាំងអស់គ្នា ក៏ចេញពីផ្ទះស្ត្រីមេម៉ាយ ទៅស៊ីផឹកបន្តនៅវាលស្រែមួយកន្លែង ក្នុងភូមិជំទាវ ឃុំប្ញស្សីក្រោក រហូតដល់ ម៉ោង៥ល្ងាច។ បន្ទាប់មក ស្រីមេម៉ាយបានលួងលោមពួកនាងឱ្យឡើងជិះម៉ូតូ ដោយមានប្រុសស្ទាវ ២នាក់ ជាអ្នកឌុប បន្តដំណើរទៅរាំកម្សាន្តនៅក្លឹបហ្គោលថោន ជាប់គល់ស្ពានសែសិន។ ប៉ុន្តែ ពេល ទៅដល់ក្លឹប ពួកនាងមិនហ៊ានចូល គេក៏ឌុបទៅមើលការប្រគំតន្ត្រី នៅរង្វង់មូលទីរួមខេត្ត ដែលមានពួកតារាល្បីៗពីភ្នំពេញ មកច្រៀងរាំ។ រហូតដល់ព្រលប់ជ្រៅបន្តិច ស្រីមេម៉ាយបាននាំពួកនាង (សរុបគ្នា៦ នាក់ រួមទាំងនាងមេម៉ាយ និងប្រុសម្នាក់ ជាអ្នកឌុប) ទៅជួលបន្ទប់ផ្ទះសំណាក់ “ជំនោរសែសិន” ដោយសុំជួលតែ១បន្ទប់។ ប៉ុន្តែ ម្ចាស់ផ្ទះប្រាប់ថា គ្នា៦នាក់ ឯណោះ លុះត្រាតែជួល២បន្ទប់ ទើបគេព្រម។ ដោយសារអត់លុយជួលបន្ទប់ ស្រីមេម៉ាយក៏នាំពួកនាង វិលទៅដល់ចំណុចវាលស្រែ កន្លែងស៊ីផឹកវិញ។ នាង ទ.ច.រ បន្តទៀតថា លុះទៅដល់ទីនោះ ស្រាប់តែស្រីមេម៉ាយប្រាប់ប្រុស ដែលឌុបនោះ ឱ្យបើកម៉ូតូគេចបាត់ ទុកពួកនាងទាំង២ ឱ្យនៅជាមួយប្រុសស្ទាវ ជាអ្នកឌុប ២នាក់ទៀត។ ជួនជាពាក់កណ្តាលអធ្រាត្រផងនោះ ស្រាប់តែកំលោះស្ទាវម្នាក់ ឈ្មោះ ជា អាយុ១៩ឆ្នាំ ដាក់ចន្ទល់ម៉ូតូ រួចលោកមក សង្គ្រប់នាង ផ្តួលទៅលើជញ្ជ្រាំងស្រូវ ចាប់ផ្តើម-រំលោភទាំងកំរោល ទោះជានាងរើបម្រះយ៉ាងណា ក៏ មិនឈ្នះកម្លាំងប្រុសដែរ។ ចំណែក ប្អូនស្រីជីដូនមួយ របស់នាងឈ្មោះ រ.ស.ន ក៏ត្រូវប្រុសម្នាក់ទៀត ដែល ជាអ្នកឌុប ឈ្មោះថេត អាយុ២៣ឆ្នាំ ចាប់រំលោភក្បែរគ្នានោះ រហូតបានសម្រេចជាច្រើនដង។ លុះ ដល់ម៉ោង៥ភ្លឺ ទើបឃើញស្រីមេម៉ាយនោះ មកនាំ បងប្អូននាងវិលទៅភូមិវិញ ដោយមិនទទួលខុសត្រូវចំពោះការបាត់បង់ព្រហ្មចារីរបស់ពួកនាងឡើយ ហើយបានទាំងស្តីបន្ទោសពួកនាងថែមទៀត។ ដោយឡែក លោកទន់ អ៊ាន អាយុ៤៩ឆ្នាំ និង អ្នកស្រីសុង រដ្ឋា អាយុ៤៩ឆ្នាំ ជាឪពុកម្តាយ បានឱ្យ ដឹងថា នៅពេលបាត់កូនស្រី តាំងពីព្រឹក រហូតជិតភ្លឺ នោះ ពួកគាត់បានស៊ើបសួរអ្នកភូមិដឹងថា មកពីនាង ហឹម គឹមហាន បបួលទៅស៊ីផឹក និងដើរលេង។ ពេលកូនវិលមកវិញ ឃើញភ្នែកស្លក់ សក់ក្បាលគ្មាន សណ្តាប់ធ្នាប់ និងប្រឡាក់ដីផងនោះ ក៏ដេញដោលទៅ ទើបដឹងថា កូនស្រី និងក្មួយ ត្រូវប្រុសចាប់រំលោភ។ ពួកគាត់យល់ថា មកពីអាប្រុស២នាក់ហ្នឹង ជួលស្រីមេម៉ាយឱ្យធ្វើមេអណ្តើក លួងកូនស្រីឱ្យធ្លាក់ក្នុងឧបាយកលខ្មៅងងឹត ទើបកូននិងក្មួយ បាត់បង់ព្រហ្មចារី កណ្តាលវាលស្រែបែបនេះ។ ពួកគាត់បានប្តឹង សមត្ថកិច្ច ឱ្យចាប់ខ្លួនស្រីមេអណ្តើក និងក្មេងពាល ទាំង២នាក់នោះហើយ និងប្តឹងទារជំងឺចិត្ត ៥០លាន រៀល ប៉ះប៉ូវការខូចខាតដ៏ធ្ងន់ធ្ងរនេះ។ រីឯកុមារីរ.ស.ន អាយុ១១ឆ្នាំ ក៏បានរៀបរាប់ ដូចអ្វីដែលកុមារីទ.ច.រ ផ្តល់បទសម្ភាសន៍ខាងលើ នេះដែរ ដោយបញ្ជាក់ថា រូបនាងត្រូវប្រុសពាលឈ្មោះ ថេត ចាប់រំលោភ ឯបងស្រី ត្រូវឈ្មោះជា ចាប់បង្ខំ កណ្តាលវាលស្រែក្បែរគ្នាតែម្តង។ ចំណែកអ្នកភូមិមួយចំនួន បានឱ្យដឹងថា ករណី ចាប់រំលោភនេះ បើរកប្រភពឱ្យឃើញ គឺមកពីស្រីមេអណ្តើក ទៅអូសទាញ ទើបកុមារីទាំង២នេះ ផុង ខ្លួនអស់ព្រហ្មចារី។ ធម្មតាមេអណ្តើក ឬម៉ែយ៉ែម មុនដំបូងក៏ត្រូវគេបោកយ៉ាងនេះដែរ លុះនាងផុងខ្លួន ស្គាល់ល្បិចស្ទូចក្មេងស្រីច្បាស់ ក៏ធ្វើម៉ែយ៉ែមម្តងវិញ ព្រោះងាយរកលុយ។ ទោះជាយ៉ាងនេះក្តី ក៏ពួកគាត់ យល់ថា នេះជាកំហុសរបស់មាតាបិតាផងដែរ ដែល ធ្វេសប្រហែសបណ្តោយកូនស្រីឱ្យចេះផឹកស្រាបៀ និងចូលចិត្តដើរកម្សាន្ត ជាហេតុនាំឱ្យមេអណ្តើកស្គាល់ និស្ស័យ ក៏មកហៅទៅផឹក រហូតដល់ស្រឿងៗ ចង់សប្បាយ ពេលគេបបួលទៅណា ក៏ចេះតែទៅ រហូតផុងខ្លួនត្រូវប្រុសពាលចាប់រំលោភ ធ្វើបាប ឬខ្លះដល់ថ្នាក់សម្លាប់បំបិទមាត់ទៀតក៏មាន ដែលជាមេរៀនជីវិត សម្រាប់មាតាបិតាទាំងឡាយពិចារណា និង ប្រុងប្រយ័ត្ន ៕ប្រភព akt-media
