ក្រុងឡុងដ៍ : ជីវិតសត្វសមុទ្រនៅតែស្ថិតនៅក្នុងទំព័រអាថ៌កំបាំងដែលទាមទារការស្រាវជ្រាវឥតព្រំដែន។
ក្នុងចំណោមនោះ សត្វត្រីកាណីណាល់ គឺជាពពួកមច្ឆាដែលមានទម្លាប់បង្ហាត់កូន និងភ្ញាស់ពងនៅក្នុងមាត់ គួរឲ្យចម្លែកមែនទេ។ ក្នុងអំឡុងពេលបង្កកំណើត និងភ្ញាស់ពងត្រីតូចៗនេះ សត្វត្រីកាឌីណាល់ឈ្មោលត្រូវអត់អាហារជាច្រើនខែ ទំរាំដល់ពងញាស់អស់។
រូបភាពដ៏អស្ចារ្យនេះត្រូវបានថតផ្ដិតដោយលោក នីកូឡាស ថេរី។ ជាងថតរូបវ័យ៥១ឆ្នាំនេះបានចំណាយពេលពេញមួយយប់នៅតំបន់ឆ្នេរ ម៉ូសមេន នៃប្រទេសអូស្ត្រាលី។
លោកបាននិយាយថា៖ «ខ្ញុំបានឃើញត្រីឈ្មោលនោះបង្ហើបមាត់ជាញឹកញយ ដើម្បីបញ្ចេញកូនត្រីដែលញាស់រួច ហើយវាក៏បឺតពងត្រីដែលសេសសល់ចូលក្នុងមាត់វិញដើម្បីបន្តដំណើរ ការភ្ញាស់»។
ដើមឡើយពេលដែលត្រីកាឌីណាល់ញីជួបអាឈ្មោល វានឹងបញ្ចេញនូវពងមេជីវិតមួយដ៏ធំ ហើយនៅពេលដែលអាឈ្មោលបញ្ចេញមេជីវិតរបស់ខ្លួនទៅបង្កកំណើតជាមួយ មេជីវិតញីរួច វានឹងបឺតយកពងត្រីតូចៗទាំងនោះចូលក្នុងមាត់ ហាក់បីដូចជាការពពោះដែរ។
ទោះជាយ៉ាងណា ការភ្ញាស់ពងក្នុងមាត់នេះវាចៀសមិនរួចពីការច្រឡំស៊ីកូនខ្លួនឯង ឡើយ ដោយ៣០ភាគរយនៃកូនត្រីទាំងអស់ត្រូវបានបាវាច្រឡំលេប។
ថ្វីដ្បិតតែការភ្ញាស់ពងរបស់ត្រីនេះមានភាពចម្លែក ប៉ុន្តែវាបានអនុវត្តអស់រយៈកាលជាង៥០លានឆ្នាំមកហើយ៕ប្រភពពី ភ្នំពេញប៉ុស្តិ៍
