ស្ត្រីរកស៊ីផ្លូវភេទ និងមេបន (រូបតូច) រាជធានីភ្នំពេញ ៖ ហាងកាហ្វេក្តៅសាច់ ៣កន្លែងជាប់គ្នា ត្រូវកម្លាំងនាយកដ្ឋានប្រឆាំងការជួញដូរមនុស្ស និងអនីតិជនក្រសួងមហាផ្ទៃសហការជាមួយនាយកដ្ឋានប្រឆាំងការជួញដូរមនុស្ស និងអនីតិជនរាជធានីភ្នំពេញ ដឹកនាំដោយលោក ហោ លីណា ព្រះរាជអាជ្ញារងអមសាលាដំបូងរាជធានីភ្នំពេញ សហការជាមួយអាជ្ញាធរមូលដ្ឋាន បានចុះទៅបោសសំអាត និងបង្ក្រាបបានស្រ្តីជាមេបន និងស្រ្តីរកស៊ីផ្លូវភេទ សរុបទាំងអស់ ១៣នាក់ ក្នុងនោះប្រុសម្នាក់ ។ ហាងកាហ្វេក្តៅសាច់ ៣កន្លែងជាប់គ្នានោះ ស្ថិតនៅផ្ទះលេខ៧, ៨ និង៩ ម្តុំត្រឡោកបែក តាមផ្លូវលេខ៥៩៨ ក្រុម៣៥ ភូមិ៧ សង្កាត់បឹងកក់ទី២ ខណ្ឌទួលគោក ។ យុទ្ធនាការនេះ ធ្វើឡើងកាលពីវេលាម៉ោង ៨យប់ថ្ងៃទី២៤ មេសា ដោយមានការចូលរួមពីលោកវរសេនីយ៍ទោ ឆាន វុធ នាយរងនាយកដ្ឋានប្រឆាំងការជួញដូរមនុស្សនិងអនីតិជនក្រសួងមហាផ្ទៃ លោកវរសេនីយ៍ត្រី ជិន ដា នាយរងនាយកដ្ឋានប្រឆាំងការជួញដូរមនុស្ស និងអនីតិជនរាជធានីភ្នំពេញ ។ ជាលទ្ធផលឃាត់ខ្លួនបានជនសង្ស័យចំនួន ១៣នាក់ ក្នុងនោះជនសង្ស័យជាស្រ្តីមេបន ៣នាក់ រួមជាមួយបុរសម្នាក់ ត្រូវជាប្តីមេបន ស្រ្តីរកស៊ីផ្លូវភេទចំនួន ៩នាក់ និងម៉ូតូរបស់ភ្ញៀវ ជាបុរសដែលទៅអង្គុយផឹកកាហ្វេ និងរកសេវាផ្លូវភេទឃាត់បាន ៩គ្រឿង តែម្ចាស់ម៉ូតូសមត្ថកិច្ច មិនបានឃាត់ខ្លួនទេ ។ ក្រុមបុរសជាភ្ញៀវ ដែលទៅអង្គុយផឹកកាហ្វេ និងរកសេវាផ្លូវភេទ ក្រុមបុរសជាភ្ញៀវ ដែលទៅអង្គុយផឹកកាហ្វេ និងរកសេវាផ្លូវភេទ ជនសង្ស័យដែលឃាត់ខ្លួនបានទាំង ១៣នាក់ ក្នុងនោះ ប្រុសម្នាក់ រួមទាំងម៉ូតូ ៩គ្រឿង ត្រូវសមត្ថកិច្ចយកទៅរក្សាទុកនៅនាយកដ្ឋានប្រឆាំងការជួញដូរមនុស្ស និងអនីតិជនក្រសួងមហាផ្ទៃ ៕ប្រភព អង្គរធំ មេឌា
