ភ្នំពេញ៖ បុរសម្នាក់ជាបុគ្គលិកក្រុមហ៊ុនមួយ ត្រូវបានតំណាងក្រុមហ៊ុន សហការគ្នា ជាមួយនគរបាល ប៉ុស្តិ៍ទួលស្វាយព្រៃទី ១ នឹង នគរបាលខណ្ឌចំការមន ចាប់ខ្លួនយកមកឃុំនៅអធិការដ្ឋាន នគរបាលខណ្ឌអស់ រយៈពេលមួយយប់មួយថ្ងៃ ហើយស៊ិសស៊ុះគ្នាដោះលែងទៅវិញ ស្ងាត់ៗ កាលពីព្រឹកថ្ងៃទី ១៩ ខែមេសា ឆ្នាំ២០១៣ ដោយខាងក្រុមហ៊ុន សុខចិត្តទទួលយកប្រាក់ជិតពីរពាន់ដុល្លារ សម្រាប់ការដោះលែង។ នេះបើយោងតាមការអះអាង របស់ជនជាប់សង្ស័យ ។
ជុំវិញរឿងរ៉ាវខាងលើនេះ មិនបន្ទាប់មកតំណាងក្រុមហ៊ុន និងសមត្ថកិច្ច ក៏បានទៅយកសម្ភារអគ្គិសនី ដែលរូបគេលួច ចេញពីក្រុមហ៊ុន យកទៅទុកនៅផ្ទះ ម្តុំជម្ពូរវ័ន្ត សង្កាត់ចោមចៅ ខណ្ឌពោធិ៍សែនជ័យ មកវិញអស់ ហើយថែមទាំងទារលុយជំងឺចិត្តបីពាន់ដុល្លារ ។ ប៉ុន្តែដោយរូបគេ បានសុំអង្វរករក្រុមហ៊ុន សងលុយ ១៥០០ ដុល្លារ ទើបក្រុមហ៊ុន យល់ព្រមដោះលែងរូបគេទៅវិញ ៕ ដោយ ៖ ដើមអម្ពិល
