ឥណ្ឌា ៖ មនុស្សចំនួន២នាក់បានបាត់បង់ជីវិតនិងមនុស្សចំនួន១៦នាក់ផ្សេង ទៀត បានរងរបួស នៅពេលដែលពិតាននៃដំបូលអាគារមន្ទីរពេទ្យមួយ នៅក្នុងប្រទេសឥណ្ឌាបានបាក់ធ្លាក់ ដោយសារតែខ្យល់បក់បោកខ្លាំង នៅមុនពេល មានភ្លៀងធ្លាក់។
ក្រុម អ្នកសង្គ្រោះបានវាយបំបែកផ្ទាំងថ្មពិតានធំៗនិងបានជីកកាយក្នុង គំនរថ្មបាក់បែក ដើម្បីរកក្រុមជនរងគ្រោះ បន្ទាប់ពីពិតាននៃដំបូលមន្ទីរពេទ្យកាស្ទើបា ហ្កាំឌី“Kasturba Gandhi ” នៅក្នុងទីក្រុង បូផាល់ (Bhopal) នៅក្នុងភាគកណ្តាលនៃប្រទេសនេះ។
លោក នីគុន ស្រ៊ីវ៉ាស្តាវ៉ា (Nikunj Shrivastava) ប្រធាន រដ្ឋបាលក្នុងសង្កាត់ទី ក្រុងនេះ បាននិយាយថា សាកសពមនុស្សចំនួន ២នាក់នេះ ត្រូវបានរកឃើញនិងបានទាញចេញពីគំនរថ្មបាក់បែកនៃមន្ទីរពេទ្យនេះ ហើយក្រុមជួយសង្រ្គោះ កំពុងតែប្រឹងប្រែងគាស់កកាយគំនរបាក់បែកជាបន្តទៀត ដើម្បីរកជនរងគ្រោះ ជាបន្តទៀត៕ប្រភពពីកម្ពុជាថ្មី
ជិន សារីម
