បើសិនជា iPad mini ថ្មីនឹងត្រូវបំពាក់ដោយអេក្រង់ Retina Display នោះកុំព្យូទ័របន្ទះស្ដើងនេះនឹងមានកម្រិតភាពច្បាស់ 2048 x 1536 pixels ហើយវានឹងធ្វើឲ្យផលិតនេះកាន់តែមានភាពកាន់តែទាក់ទាញ ដូច្នេះក្រុមហ៊ុន Samsung មានតែផលិតកុំព្យូទ័របន្ទះស្ដើងថ្មីរបស់ខ្លួនមានអេក្រង់ 8-inch Full HD ជាមួយ AMOLED display ទេទើបអាចមានកម្រិតភាពច្បាស់ 1920 x 1200 pixels និងអាចធ្វើការប្រកួតជាមួយផលិតផលរបស់ក្រុមហ៊ុន Apple បាន ។
យោងទៅតាមប្រភព ubergizmo បានឲ្យដឹងថា កុំព្យូទ័របន្ទះស្ដើងថ្មីរបស់ក្រុមហ៊ុន Samsung ដែលមានអេក្រង់ 8-inch Full HD អាចនឹងត្រូវក្រុមហ៊ុនប្រកាសចេញនៅក្នុងឆ្នាំនេះហើយនៅពិពណ៌ ពាណិជ្ជកម្មគ្រឿងអេឡិចត្រូនិក IFA 2013 ក្នុងទីក្រុងបែកឡាំង ប្រទេសអាល្លឺម៉ង់ ។ ស្របពេលដែលលក្ខណសម្បត្តិទូទៅនៃកុំព្យូទ័របន្ទះស្ដើងមានអេក្រង់ 8-inch Full HD របស់ក្រុមហ៊ុន Samsung មិនទាន់ត្រូវបានបញ្ចេញនៅឡើយគេ ជឿថាផលិតផលនេះនឹងអាចដំណើរការដោយប្រព័ន្ធប្រតិបត្តិការថ្មី Android 4.2 Jelly Bean ឬ 5.0 Key Lime Pie ដែល Google គ្រោងប្រកាសចេញនាពេលខាងមុខ ។ ចំពោះព័ត៌មានថ្មីដែលទាក់ទងទៅនឹងកុំព្យូទ័របន្ទះស្ដើងនេះពពក នឹងជូនដំណឹងពេលក្រោយ ៕
