នៅឯ កិច្ចប្រជុំមួយមន្ត្រីជាន់ខ្ពស់ខាងយោធា កាលពីថ្ងៃច័ន្ទ ប្រធានាធិបតីកូរ៉េខាងត្បូងលោកស្រី ប៉ាក់គុនហេ បានថ្លែងថា លោកស្រីបានចាត់ទុកការគំរាមចង់ធ្វើសង្គ្រាមស្ទើរតែរាល់ថ្ងៃពី កូរ៉េខាងជើងនៅក្នុងខែកន្លងមកនេះគឺមានសភាពធ្ងន់ធ្ងរណាស់»។ «ខ្ញុំ ជឿថា យើងត្រូវធ្វើការសងសឹកវិញ ដ៏ខ្លាំង និងជាបន្ទាន់ ដោយពុំមានការគិតគូរអំពីបញ្ហានយោបាយណាមួយផ្សេងឡើយ ប្រសិនបើកូរ៉េខាងជើងធ្វើការបង្ករឿង ប្រឆាំងនឹងប្រជាជនរបស់យើងនោះ»។
រដ្ឋមន្ត្រីក្រសួង ការពារប្រទេសកូរ៉េខាងត្បូងលោក គីមខ្វាន់ជីន បានបង្ហាញច្បាស់ថា កូរ៉េខាងត្បូងនឹងធ្វើការវាយប្រហារតបវិញប្រឆាំងនឹងរោងចក្រ នុយក្លេអ៊ែរ និងកាំជ្រួចរបស់កូរ៉េខាងជើងនៅក្នុងព្រឹត្តិការណ៍ដែលមានភាពបង្កជា សត្រូវបានផ្ទុះឡើង។ លោកគីមបានបន្តថា«យើងនឹងរៀបចំនូវរបស់ដែលហៅថា ការធ្វើឲ្យញញើតសំដៅបន្សាបការគំរាមនុយក្លេអ៊ែរនិងកាំជ្រួចរបស់កូរ៉េខាងជើងយ៉ាងឆាប់រហ័ស»។
បន្ថែមទៅលើការដាក់ពង្រាយនាវាពិឃាដUSS Fitzgerald នេះកងទ័ពអាមេរិកបាននិយាយកាលពីថ្ងៃច័ន្ទថា ខ្លួនបានដាក់ពង្រាយយន្តហោះលាក់ខ្លួនពីរ៉ាដាធុនF-22 Raptor ដើម្បីចូលរួមនៅក្នុងការធ្វើសមយុទ្ធយោធា«Food Eagle»។ កូរ៉េខាងជើងបានគំរាមរួចហើយ ដើម្បីធ្វើការវាយប្រហារយន្តហោះទម្លាក់គ្រាប់បែកB-52ដែលមានសមត្ថភាពនុយក្លេអ៊ែរ និងយន្តហោះរ៉ាដាចាប់មិនបានB2របស់អាមេរិកនៅកូរ៉េខាងត្បូង៕
ប្រភព កម្ពុជាថ្មី
