ក្រោយកើតហេតុកម្លាំងសមត្ថកិច្ចនគរបាលប៉ុស្តិ៍បានចុះ ទៅឃាត់ក៏ស្រាប់តែលោក តាចាស់បានទាញកាំបិតកាប់ ទៅលើកម្លាំងនគរបាល តែម្តង មិនត្រឹមតែប៉ុណ្ណោះលោកតាល្មោភកាម បានយក ជំពាម កៅស៊ូបាញ់ទៅលើនគរបាល ចំនួន៤គ្រាប់ថែមទៀត ។ អំពើហិង្សានៅក្នុងគ្រួសារនេះ បានកើតឡើង កាល ពីថ្ងៃទី២៣ ខែមេសា ឆ្នាំ២០១៣ ស្ថិតនៅភូមិកំពែង ឃុំព្រងិល ស្រុកភ្នំក្រវាញ ខេត្តពោធិ៍សាត់។
នាយការិយាល័យនគរបាលព្រហ្មទណ្ឌកម្រិតស្រាលខេត្តពោធិ៍សាត់ លោកវរៈសេនីយ៍ត្រី ម៉ូ លីដា បាន ឲ្យដឹងថា ជនសង្ស័យដែលសមត្ថកិច្ចឃាត់ខ្លួននោះ មានឈ្មោះ ជុំ ជឿក ភេទប្រុស អាយុ៦៥ឆ្នាំ ជនជាតិខ្មែរ មុខរបរជាកម្មករស៊ីឈ្នួលរស់ នៅក្នុងភូមិកើតហេតុ។
ប្រភពដដែលបានបន្តឲ្យដឹងទៀតថា តាមការសួរចម្លើយរបស់សមត្ថកិច្ចជន សង្ស័យបានសារភាពថា ខ្លួនពិតជាបានបង្កហិង្សា ទៅលើក្រុមគ្រួសារពិតប្រាកដ មែនដោយសារខ្លួនសុំប្រពន្ធរួមភេទ ហើយ ត្រូវប្រពន្ធប្រកែក។ រហូតមកដល់ពេលនេះ ជនសង្ស័យត្រូវបានសមត្ថកិច្ចបង្ក សំណុំរឿងបញ្ជូនទៅកាន់ តុលាការចាត់ការទៅតាមផ្លូវច្បាប់៕
ប្រភព ដើមអម្ពិល
