ស្រ្តីជនជាតិជប៉ុន មិនមានស្វាមី រូបនេះ មានឈ្មោះ Sanae Nakamura បានចាកចេញពីផ្ទះ និង ទុកអោយកូនស្រី អាយុ ៣ឆ្នាំ និង កូនប្រុស អាយុ ១ឆ្នាំ របស់ខ្លួន នៅផ្ទះ (Apartment) ដោយ គ្មាននរណាមើលថែ និង ធ្វើអាហារអោយនោះទេ ដើម្បីចំណាយពេល នៅផ្ទះជាមួយនឹង មិត្តប្រុសរបស់នាង។ ប្រភពព័ត៌មានបានឲ្យដឹងទៀតថា នាងបានចាប់ផ្តើមទុកកូន ខ្លួនឯងចោល ចាប់តាំងពីខែមីនា ឆ្នាំ ២០១០ មកម្ល៉េះ ប៉ុន្តែនាងតែងតែត្រឡប់មកមើល ពួកគេទាំងពីរវិញ ទើបលុះដល់ខែមិថុនាឆ្នាំមុននេះ នាងឈប់ត្រឡប់មកផ្ទះវិញតែម្តង។ យ៉ាងណាមិញ ក្រោយពីនាងត្រឡប់មកវិញលើកចុងក្រោយនេះ ទើបដឹងថា ពួកគេទាំងពីរ បានស្លាប់បាត់ទៅហើយ។
នាងត្រូវបានជាប់ទោសពីបទ ឃាតកម្ម ដោយតុលាការបានដាក់ទោស អោយជាប់គុក ៣០ឆ្នាំ ព្រោះនាងបានដឹងហើយថា ការចាកចោលកូនរបស់ខ្លួន ដោយមិនផ្តល់នូវអាហារគ្រប់គ្រាន់ សំរាប់ពួកគេ ប្រៀបបីដូចជាសម្លាប់ពួកគេយ៉ាងដូច្នេះដែរ។
តើប្រិយមិត្តយល់យ៉ាងណាដែរចំពោះករណីនេះ?
