ខេត្តកំពង់ឆ្នាំង ៖ សង្ឃមួយអង្គដែលបួសក្នុងវត្តអម្ពរវ័ន្ត ក្នុងឃុំកំពង់ហៅ ស្រុកកំពង់លែង ត្រូវបានចាប់ផ្សឹកដោយគណៈកម្មការអាចារ្យវត្ត បន្ទាប់ពីលួចផឹកស្រា ហើយបានវាយម្ចាស់ផ្ទះ២នាក់ប្តីប្រពន្ធបណ្តាលឱ្យរងរបួស កាលពីវេលាម៉ោង២ និង៣០នាទីរំលងអធ្រាត្រឈានចូល ថ្ងៃទី២៩ មីនា ២០១៣ នៅភូមិកំពង់ហៅ ឃុំកំពង់ហៅ ។ ក្រោយពីចាប់ផ្សឹកអន្ទិតរូបនេះ និងបក្សពួកម្នាក់ទៀតត្រូវបានប្រគល់ឱ្យប៉ូលិសស្រុកកំពង់លែង ផងដែរ ។
តាមរយៈមន្ត្រីប៉ូលិសស្រុកកំពង់លែងបានឱ្យដឹង ថា អន្ទិតសក់ខ្លីរូបនេះឈ្មោះព្រិន ចាន់រ៉ា អាយុ១៨ឆ្នាំ និងបក្សពួកម្នាក់ទៀតឈ្មោះ សៅ ចំរើន អាយុ១៨ឆ្នាំ ទាំង២នាក់រស់នៅភូមិកំពង់ហៅ ។ នៅយប់ថ្ងៃកើតហេតុពួកគេទាំងពីរនាក់បានលួចផឹកស្រាក្នុងវត្ត អស់៣ដប លុះយប់ជ្រៅក៏កាន់ដបស្រាចំនួន៣ដបទៀតទៅផឹកនៅផ្ទះឈ្មោះសេក សុំ និងឈ្មោះយឹម ឡន ជាប្តីប្រពន្ធ៕
