ប្រិយមិត្តពិតជាស្គាល់ប្រព័ន្ធប្រតិបត្តិការ
Window Phone 8 ពីព្រោះ វាជាប្រព័ន្ធដែលត្រូវបានគេដាក់ឱ្យដំណើរការណ៍កាលពីអំឡុងខែ តុលា ឆ្នាំ២០១២។ បច្ចុប្បន្ន OS ថ្មីនេះ កំពុងទទួលបានការចាប់អារម្មណ៍ និងចរាចរយ៉ាងគគ្រឹកគគ្រេងនៅតាមបណ្ដាប្រទេសនានាលើពិភពលោក។ តើប្រិយមិត្តដឹងទេថា ប្រព័ន្ធប្រតិបត្តិការថ្មីថ្មោងមួយនេះ ពេញនិយមខ្លាំងជាងគេនៅប្រទេសណាខ្លះ? ហើយកម្ពុជាមានសន្ទុះអ្នកគាំទ្រយ៉ាងណាដែរ?
ប្រទេស ដែលប្រព័ន្ធក្មេងខ្ចីនេះ បានវាយលុកខ្លាំងជាងគេនោះគឺ ប្រទេសបារាំង, សហរដ្ឋអាមេរិក, សិង្ហបុរី, ហុងកុង និងអូស្ត្រាលីជាដើម។ ក្នុងប្រទេសបារាំងមានអ្នកប្រើប្រាស់ចំនួន ៧០ ភាគរយ ដណ្ដើមបានចំណែកទីផ្សារច្រើនជាងគេ។ លេខ ២បានទៅលើ អាមេរិកមានចំណែកទីផ្សារជាង ៦០ភាគរយ និងលេខ ៣ បានទៅលើ សិង្ហបុរី ក្ដាប់ចំណែកទីផ្សារបាន ជាង ៦០ ភាគរយ ប៉ុន្តែតិចជាង អាមេរិក។ នេះបើយោងតាមគេហទំព័រ Wpcentral ថ្មីៗនេះ។
ព័ត៌ខៀវតំណាងឱ្យ Window Phone 8
តើអ្នកដឹងអត់ថា
WP8 មានតាំងពីពេលណាមក? WP8 ជាប្រព័ន្ធប្រតិបត្តិការជំនាន់ទី ២ របស់
Window Phone ដែលបង្កើតឡើងដោយ
Microsoft។ វាបានដំណើរការលើទីផ្សារនៅ
ថ្ងៃទី ២៩ តុលា ២០១២។ មកដល់សព្វថ្ងៃ OS នេះ បានដំណើរការលើទីផ្សារប្រទេសសំខាន់ៗដូចជា បារាំង, សហរដ្ឋអាមេរិក, សិង្ហបុរី, ហុងកុង និងអូស្ត្រាលី, អង់គ្លេស, ស្វីស, អាល្លឺម៉ង់, អូទ្រីស, បែលហ្ស៊ិក, កាណាដា, នូវែលហ្សេឡង់, ឥណ្ឌា, អៀរឡង់, អ៊ីតាលី, អេស្ប៉ាញ និងម៉ិកស៊ីកូជាដើម។ ក្នុងចំណោមប្រទេសទាំងប៉ុន្មានខាងលើនេះ បារាំងជាប្រទេសដែលមានអ្នកប្រើ WP8 ច្រើនជាងគេលើពិភពលោក។
