រាជធានីភ្នំពេញ ៖ ដើមអង្គាបុស្សមួយដើមស្ថិតនៅ លើសួនច្បារ ជិតរូបសំណាកលោកតាក្រមង៉ុយ នៅទល់មុខសណ្ឋាគារកាំបូឌីយ៉ាណា ស្ថិត តាមបណ្តោយវិថីព្រះស៊ីសុវត្ថិ ក្រុម៤ សង្កាត់ចតុមុខ ខណ្ឌដូនពេញ កាលពី វេលាម៉ោង១១ថ្ងៃត្រង់ថ្ងៃទី៩ មេសា ធ្វើឱ្យមានការភ្ញាក់ផ្អើល ខណៈពេល ឃើញមានផ្សែងហុយចេញពីដើមអង្គាបុស្សខ្មួលខ្មាញ់ ។
អ្នកលក់ដូរនៅជិតកន្លែងកើតហេតុបានឲ្យដឹងថា មុនពេលកើតហេតុគេឃើញ បុរសមានសតិមិនប្រក្រតីម្នាក់ អង្គុយជក់បារីនៅក្រោម ដើមអង្គាបុស្សនេះរួចហើយយកកន្ទុយបារី ដាក់គររុកចូលក្នុងប្រហោងរន្ធ ដើមអង្គាបុស្ស រួចយកឈើគូសដុតធ្វើឲ្យឆេះហុយផ្សែង ខ្មួលខ្មាញ់បណ្តាល ឱ្យផ្អើលឆោឡោរត់ទៅប្តឹងនគរបាលប៉ុស្តិ៍ចតុមុខ នៅជិតកន្លែងកើតហេតុមកដល់ ទើបបុរសនោះរត់គេចខ្លួន ៕
ដោយ កោះសន្តិភាព
