បុរសម្នាក់ដែលប៉ូលិសឃាត់ខ្លួនឈ្មោះ វ៉ាន់ ម៉ុន អាយុ ៤១ឆ្នាំ មុខរបរលក់ដូរឥវ៉ាន់ក្នុងផ្សារឃែរ រស់នៅភូមិដីស្អិត ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។ ចំណែកក្មេងស្រីរងគ្រោះមានអាយុ ១៥ឆ្នាំ មានសតិមិនគ្រប់ ត្រូវបុរសវ័យចំណាស់ម្នាក់នេះរំលោភដល់ទៅបួនលើក សម្រេចពីរលើក តាំងពីដើមខែមករា ដល់ខែកុម្ភៈ ឆ្នាំ២០១៣។ ម្តាយ ក្មេងស្រីរងគ្រោះបានឲ្យដឹងថា កូនស្រីគាត់ត្រូវជនសង្ស័យចាប់រំលោភ ខណៈពេលគាត់ប្រើកូនឲ្យចាំតូបលក់ឥវ៉ាន់ក្នុងផ្សារ ព្រោះតូបរបស់គាត់និងតូបលក់ដូររបស់ជនសង្ស័យ នៅទល់មុខគ្នា និងរំលោភពេលគាត់មិនបាននៅផ្ទះ៕
