សុខភាព ៖ មនុស្ស សម័យបុរាណមិនថាជន ជាតិណាក៏ដោយសុទ្ធតែមានជំនឿ ជាមួយនឹងស្ត្រីពេលដែលធ្លាក់រដូវខែដែរ ពិសេសការប្រិតបត្តិក្នុង អំឡុងពេលធ្លាក់មករដូវខែតែម្តង។ ក្នុងប្រការហាម នីមួយៗនេះបាន ធ្វើឱ្យស្ត្រីសម័យមុនបានប្រតិបត្តិអស់កាលជាយូរលង់មកហើយ។ក្រៅពីនេះ ប្រការហាមស្ត្រីនៅពេលធ្លាក់រដូវខែ នេះមានទៅតាមប្រទេសនីមួយៗដោយមានលក្ខណៈខុសប្លែកពីគ្នាដូចជា៖
១-តាមជំនឿជនជាតិហិណ្ឌូសម័យបុរាណបានត្រូវគេត្រណមថាបើស្ត្រីណា មានការធ្លាក់រដូវខែក្នុងពេល ណាមួយនឹងត្រូវគេឱ្យចាកចេញទៅនៅក្រៅផ្ទះប្រហែលបីថ្ងៃ។ប៉ុន្តែ សម្រាប់នាពេលបច្ចុប្បន្នត្រណមនេះត្រូវបានសាបរលាបទៅខ្លះនិងកន្លែង ខ្លះលែងអនុវត្តទាំងស្រុងតែម្តង។ក្រៅពីនេះជនជាតិហិណ្ឌូនៅក្នុង គ្រួសារដែលប្រកាន់ភាពតឹងរឹងខ្លាំងនៅមានការហាមស្ត្រីដែលធ្លាក់មក រដូវខែចូលផ្ទះបាយ ហាមចាប់កាន់អំបិល ហាមទៅវត្ត ហាមចូលរួមក្នុងពិធីសាសនា ទាំងនេះដោយសារគេយល់ឃើញថា ពេលធ្លាក់មករដូវខែរបស់ស្ត្រីជាអំឡុងពេលដែលកខ្វក់ឬកើតមកពីនាង ប៉ាប៉ាជាតួអង្គក្នុងរឿងព្រេងនិទាន បានចូលស្ថិតនៅក្នុងខ្លួនស្ត្រីនោះ។
២-តាមជំនឿរបស់ជនជាតិក្រិចបុរាណមានជំនឿថាបើស្ត្រីណាធ្លាក់មក រដូវខែត្រូវគេបណ្តេញចេញពីភូមិព្រោះចាត់ទុកថាជាការមិនល្អ។នៅពេល គេបណ្តេញចេញពីភូមិគេបានសង់ខ្ទមទុកឱ្យស្ត្រីទាំងនេះរស់នៅ។ ជនជាតិក្រិចបានដាក់ឈ្មោះឱ្យខ្ទមនេះថា”ខ្ទមរដូវ”ទុកឱ្យសម្រាក រហូតទាល់តែអស់រដូវខែ ទើបអនុញ្ញាត្តិឱ្យវិលទៅរស់នៅក្នុងផ្ទះសម្បែងវិញ។ទម្លាប់នេះគេ អនុវត្តរហូតទាល់តែស្ត្រីឈានចូល ដល់វ័យអស់រដូវខែទើបអាចរស់នៅផ្ទះសម្បែងលែងវិលចូលខ្ទមរដូវដូច ស្ត្រីដទៃទៀត។
៣-ចំណែកជំនឿជនជាតិខ្មែរបុរាណជាច្រើនត្រូវបានគេជឿជាក់ថាការរូម ភេទអំឡុងពេលធ្លាក់រដូវខែ បង្កគ្រោះថ្នាក់ដូចនេះក្នុងអំឡុងពេលធ្លាក់រដូវខែដែលជាសញ្ញាភ្លើង ក្រហមនេះគេមិនហ៊ានរួមដំណេក ជាមួយបុរសឡើយ។ពេលបច្ចុប្បន្ននេះជំនឿនេះនៅបង្កប់ជ្រៅក្នុង ផ្នត់គំនិតស្ត្រីនៅឡើយទេ។
៤- តាមជំនឿជនជាតិអ៊ីស្លាមមានការហាមដល់ស្ត្រីដែលធ្លាក់រដូវខែ ច្រើនយ៉ាងដូចជាហាម ប៉ះពាល់ដល់គម្ពឺរអាល់កុលអាន ឬកុំឱ្យដើរកាត់ព្រះវិហារឬម៉ាស់យ៊ីស ព្រោះគេមានជំនឿថានឹងបង្កឱ្យឈឺពោះខ្លាំងក្លាណាមួយកើតឡើង។
៥- តាមជំនឿរបស់មនុស្សជាច្រើនបានជឿជាក់ដល់ស្ត្រីពេលធ្លាក់រដូវខែ ដោយហាមចូលក្នុងព្រះបរមសិរីរិកធាតុទាំងឡាយ។ ក្រៅពីនេះគេហាមបេះបន្លែផ្លែឈើក្នុងពេលធ្លាក់រដូវខែដោយគេជឿថា ស្ត្រីកំពុងមានរដូវខែបើកាលណាបេះបន្លែផ្លែឈើ នាំឱ្យបន្លែស្ងួតនិងស្វិតងាប់កើតឡើង៕
