ធ្លាប់មានបញ្ហាមុនខ្លះៗ ហើយធ្លាប់ចំណាយប្រាក់ទិញផលិតផលខុសៗគ្នាមួយចំនួន តាំងពី ហ្វមលាងមុខ រហូតដល់ទៅ ឡេលាបមុខ ជាដើម។ ប៉ុន្តែហាក់មិនមានអ្វីប្រែប្រួលច្រើនទេ។ ប៉ុន្តែបន្ទាប់ពីផ្លាស់ប្តូរទំលាប់ប្រចាំថ្ងៃ បញ្ហាមុខមុន នេះក៏លែងកើតមានឡើងទៀត។
អ្វីដែលត្រូវចងចាំធ្វើនោះ គឺ រាល់ពេលដែលយើងដើរចេញក្រៅផ្ទះ នោះពេលត្រលប់មកវិញ ត្រូវលាងមុខចេញភ្លាម (បន្ទាប់ពីសំរាក អោយចុះកំដៅលើមុខ) ជាមួយ និងសាប៊ូធម្មតា ឬជាមួយ និងហ្វមលាងមុខ។ មូលហេតុ គឺពេលយើងដើរចេញក្រៅ ត្រូវកំដៅថ្ងៃ មុខយើងបែកញើស ឡើងប្រេង ហើយក៏កខ្វក់ដោយសារធូលីដី និងផ្សែង ឡាន ម៉ូតូ ផ្សេងៗទៀត។ ទោះជាយើងនៅផ្ទះ ក៏គួរលាងមុខ នឹងទឹកធម្មតា អោយបានញឹកញាប់ដែរ វាធ្វើអោយមុខយើង ត្រជាក់ ស្រស់ថ្លាល្អ៕
